Årsrapport 2025

Ørskog Sparebank vart skipa i 1857. Banken tilbyr innskot, utlån og betalingsformidling samt tilhøyrande banktenester for personmarknaden i Noreg og for bedriftsmarknaden på indre Sunnmøre og kring Ålesund. Bankens hovudkontor har besøksadresse 6240 Ørskog.

Rekneskapen for 2025 vart godkjend av styret 05.03.2026

GRUNNLAG FOR UTARBEIDELSE AV REGNSKAPET

Årsregnskapet er utarbeidd i samsvar med Forskrift om årsregnskap for banker, kredittforetak og finansieringsforetak («årsregnskapsforskriften»). Banken har valt å utarbeide rekneskapen etter årsrekneskapsforskrifta § 1-4, 1. ledd b) som betyr at rekneskapen er utarbeidd i samsvar med IFRS® Accounting Standards som godkjent av EU» med mindre anna følgjer av forskrifta. 

I samsvar med årsregnskapsforskrifta har selskapet valt å regnskapsføre utbytte og konsernbidrag fra dotterselskap i samsvar med regnskapslovens føresegner.

Tall i noter er angitt for morbank viss ikkje anna er presisert i den enkelte note. Ørskog Sparebank eig 73,91 % av Sjøholt Næringsbygg AS og det er dette som er konsolidert inn i konsernrekneskapen.

STANDARDAR, ENDRINGAR OG TOLKNINGAR TIL EKSISTERANDE STANDARDAR SOM IKKJE ER TRÅDT I KRAFT OG DER BANKEN IKKJE HAR BRUKT TIDLIG ANVENDELSE

Det er ingen vesentlege endringer i regnskapsprinsipp i 2025 som innverkar resultat, balanse og kontantstraum.

IFRS 18 vil tre i kraft 1. januar 2027. Standarden vil erstatte IAS 1 og innfører nye krav som skal bidra til å betre korleis verksemder formidlar finansielle resultat i rekneskapen, med særleg fokus på resultatrekneskapen og rapportering av finansielle resultat. Standarden er ikkje venta å ha nokon finansielle verknader for banken, då IFRS 18 handlar om presentasjon og opplysningar i rekneskapen. Banken har starta arbeidet med å analysere verknadene av den nye standarden.

Det er elles ingen nye IFRS-standardar eller IFRIC-fortolkingar som ikkje er tredd i kraft som forventast å ha en vesentleg påverknad av bankens rekneskap for komande periodar.

SAMANDRAG AV VESENTLEGE REGNSKAPSPRINSIPP

Rekneskapen er presentert i norske kroner, og alle tall er vist i heile tusen, med mindre anna er spesifisert.

KONSOLIDERINGSPRINSIPP
Den konsoliderte rekneskapen omfattar morbanken og dotterselskap som vist i note 30. Dotterselskap er konsolidert frå det tidspunktet banken har overteke kontroll, og dei fråreknast frå det tidspunktet banken gjev frå seg kontroll. Kontroll føreligg når konsernet har makt over investeringsobjektet, er eksponert for eller har rett til variabel avkastning, og har evne til å bruke makt til å styre dei aktivitetane hos investeringsobjektet som i vesentleg grad påverkar avkastninga. Potensielle stemmerettar, opsjonar, konvertibel gjeld og andre forhold inngår i vurderinga.

Rekneskapsprinsippa vert nytta konsistent ved innarbeiding av eigarinteresser og rapportering er basert på dei same rekneskapsperiodane som morselskapet. Konserninterne transaksjonar og saldoar mellom dei konsoliderte selskapa er eliminert. Urealiserte tap er eliminert med mindre tapet skuldast verdifall. Minoriteten sin del av konsernet sitt resultat vert presentert på eiga line i resultatrekneskapen. I eigenkapitalen vert minoriteten sin del vist som eiga post.

Dotterselskap er definert som selskap der Ørskog Sparebank har kontroll direkte eller indirekte, eigarinteresser eller andre forhold. Normalt vert det antatt at banken har kontroll når eigarinteressene i eit anna selskap utgjer meir enn 50 %.

Ved overtaking av kontroll i eit selskap vert overtakingsmetoden nytta. Alle identifiserbare eigedelar og forpliktingar som er anskaffa vert innrekna til verkeleg verdi. For kvart oppkjøp, vil ikkje-kontrollerande eigarinteresser bli verdsett anten til verkeleg verdi, eller som ein høvesmessig del av det overtekne selskapet sine identifiserbare eigedelar. Transaksjonskostnader vert utgiftsført.

INNTEKTSFØRING

Inntektsføring av renter etter effektiv rentemetode blir brukt for balansepostar som blir vurdert til amortisert kost og for fordringar som blir vurdert til verkeleg verdi i balansen. Amortisert kost i resultatet med skilnad i endring i verkeleg verdi og resultatføring etter amortisert kost presentert i utvida resultat. For renteberande balansepostar som blir vurdert til verkeleg verdi over resultatet blir den nominelle renta inntektsført løpande, mens verdiendringar blir regnskapsført ved periodeslutt. Renteinntekter på engasjement som er kredittforringa blir rekna ved bruk av effektiv rente på nedskriven verdi. Renteinntekter på engasjement som ikkje er kredittforringa blir rekna ved bruk av effektiv rente på brutto amortisert kost (amortisert kost før avsetning for forventa tap).

Ørskog Sparebank reknar effektiv rente på to ulike måtar, avhengig av om instrumentet (lånet) er, eller ikkje er, kredittforringa ved første gangs balanseføring. Den effektive renta er den renta som får noverdien av framtidige kontantstraumar i lånet si forventa løpetid til å bli lik bokført verdi av lånet ved første gangs balanseføring. Kontantstraumane inkluderer etableringsgebyr, og eventuelt restverdi ved utløp av forventa løpetid. For lån som ikkje er kredittforringa ved første gangs balanseføring nyttar banken kontraktsfesta kontantstraumar utan justering for forventa tap. For lån som er kredittforringa ved første gangs balanseføring korrigerer banken dei kontraktsfesta kontantstraumane for forventa tap. Den effektive renta blir da omtalt som ei kredittjustert effektiv rente.

Renteinntekter på finansielle instrument som er klassifisert som utlån blir inkludert på linja for renteinntekter målt til effektiv rentes metode.

Gebyr og provisjonar blir resultatført etter kvart. Gebyr for etablering av låneavtaler inngår i kontantstraumane ved rekning av amortisert kost og blir inntektsført under netto renteinntekter etter effektiv rentemetode. I andre driftsinntekter inngår mellom anna gebyr og provisjonar knytt til betalingsformidling, kredittformidling og verdipapirtenester.

Leigeinntekter inntektsførast løpande etter kvart som dei opptenast.

Resultatføringa skjer når tenestene er levert. Utbytte fra investering blir resultatført på tidspunkt utbyttet er vedtatt på generalforsamlinga.

FINANSIELLE INSTRUMENT – KLASSIFISERING

Klassifisering av finansielle instrument vert gjort på grunnlag av føremålet med anskaffinga og instrumentet sine kjenneteikn.

Finansielle eigedelar vert klassifisert som:

• Finansielle instrument vurdert til amortisert kost (AC)
• Finansielle instrument vurdert til verkeleg verdi med verdiendring over ordinært resultat (FVTPL)
• Finansielle instrument over utvida resultat (FVOCI)

Finansielle forpliktingar vert klassifisert som:

• Finansielle forpliktingar til verkeleg verdi med verdiendringar over resultatet
• Andre finansielle forpliktingar målt til amortisert kost

Derivat og investeringar i eigenkapitalinstrument
Banken sin likviditetsportefølje er klassifisert til verkeleg verdi over resultatet i samsvar med forretningsmodellen som styrer forvaltninga av likviditetsporteføljen (FVTPL). Eigenkapitalinstrument som er definert som strategiske investeringar er klassifisert til verkeleg verdi med verdiendring over utvida resultat (FVOCI).

Derivat i konsernet vert målt til verkeleg verdi med verdiendring i resultatet, men derivata som er utpeika som sikringsinstrument skal rekneskapsførast i samsvar med prinsippa for sikringsrekneskap.

Finansielle eigedelar som er gjeldsinstrument
For ordinære gjeldsinstrument vert målekategorien bestemt etter føremålet med investeringa. Gjeldsinstrument som inngår i ein portefølje med føremål å få kontraktsmessige kontantstraumar i form av renter og avdrag, skal målast til amortisert kost.

Gjeldsinstrument som inngår i ein portefølje med føremål om å både få kontantstraumar og foreta sal, skal målast til verkeleg verdi med verdiendringar over utvida resultat (FVOCI), med renteinntekt, valutaomrekningseffektar og nedskrivingar presentert over ordinært resultat.

Instrument som i utgangspunktet skal målast til amortisert kost eller til verkeleg verdi med verdiendringar over utvida resultat (FVOCI) kan utpeikast til måling til verkeleg verdi med verdiendringar over resultatet dersom dette eliminerer eller vesentleg reduserer eit rekneskaps messig misforhold (Fair Value Option/FVO). Renteinstrument i andre forretningsmodellar skal målast til verkeleg verdi over resultat.

Val av forretningsmodell
Banken har på visse vilkår høve til å overføre utlån med pant i bustadeigedom til Eika Boligkreditt AS, men dette vert berre gjort unntaksvis og berre til mindre verdiar. Utlån til og krav på kundar, til både Privatmarknad (PM) og Bedriftsmarknad (BM), inngår følgjeleg i ein portefølje som vert halde med føremål å berre få kontraktsmessige kontantstraumar i form av renter og avdrag, og målast difor til amortisert kost (AC).

Innlån og andre finansielle forpliktingar
Finansielle forpliktingar målast til amortisert kost ved bruk av effektiv rentemetode. I kategorien finansielle forpliktingar til amortisert kost inngår klassane innskot frå og forpliktingar ovanfor kundar og rentebærande forpliktingar som sertifikat- og obligasjonsgjeld.

Utstedt ansvarleg lån har prioritet etter all anna gjeld, og vert innrekna og målt på same måte som annan verdipapirgjeld. Anna finansiell gjeld målast til amortisert kost der forskjellar mellom motteke beløp fråtrekt transaksjonskostnader og innløysingsverdi vert fordelt over låneperioden ved bruk av effektiv rentemetode.

FINANSIELLE INSTRUMENT – MÅLING

Første gangs innrekning
Finansielle eigedelar og forpliktingar vert innrekna når banken vert part i instrumentet sine kontraktsmessige vilkår. Alle finansielle instrument vert målt til verkeleg verdi på handelsdagen ved første gangs innrekning. Transaksjonskostnader som er direkte knytt til etableringa av eigedelen/forpliktinga vert medrekna i kostprisen for alle finansielle instrument som ikkje er klassifisert til verkeleg verdi med verdiendringar over ordinært resultat.

Etterfølgjande måling - måling til verkeleg verdi
For alle finansielle instrument som vert omsett i ein aktiv marknad, nyttast den noterte prisen henta frå anten ein børs, meklar eller eit prissettingsbyrå. For finansielle instrument som ikkje vert omsett i ein aktiv marknad, fastsetjast den verkelege verdien ved hjelp av ei eigna verdsettingssmetode. Slike verdsettingsmetodar omfattar bruk av nyleg gjennomførte marknadstransaksjonar på armlengders avstand mellom velinformerte og frivillige partar, dersom slike er tilgjengelege, tilvising til verkeleg verdi av eit anna instrument som praktisk talt er det same, diskontert kontantstraumsberekning eller andre verdsettingsmodellar. I den grad observerbare marknadsprisar er tilgjengelege for variablar som inngår i verdsettingsmodellar, så nyttast desse.

Alle endringar i verkeleg verdi vert innrekna direkte i resultatrekneskapen med mindre eigedelen er klassifisert som finansielle instrument til verkeleg verdi med verdiendring over utvida resultat (FVOCI).

Banken har vurdert verkeleg verdi av utlån med flytande rente til å samsvare med nominelt pålydande, justert med tilhøyrande forventa kredittap på lånet (ECL). Dette grunngjevast med at slike lån reprisar tilnærma kontinuerleg, og at eit eventuelt avvik frå nominell verdi i ein armlengders transaksjon mellom informerte og villige partar vert vurdert som uvesentleg.

Etterfølgjande måling – måling til amortisert kost
Finansielle instrument som ikkje vert målt til verkeleg verdi, målast til amortisert kost, og inntektene/kostnadane vert rekna ut ved bruk av instrumentet si effektive rente. Amortisert kost fastsetjast ved diskontering av kontraktsfesta kontantstraumar innanfor forventa løpetid. Kontantstraumane inkluderer etableringsgebyr og direkte, marginale transaksjonskostnader som ikkje direkte vert betalt av kunden, samt eventuell restverdi ved utløpet av forventa løpetid. Amortisert kost er noverdien av slike kontantstraumar diskontert med den effektive renta med frådrag for avsetning for forventa tap.

Etterfølgjande måling – måling av finansielle garantiar
Utsendte finansielle garantiar vert vurderte til verkeleg verdi, som ved første gangs rekneskapsføring vert rekna som mottatt vederlag for garantien. Ved etterfølgjande måling vert utsendte finansielle garantiar vurdert til det høgste beløpet av mottatt vederlag for garantien med frådrag for eventuelle resultatførte amortiseringar og forventa tap berekna etter reglane for nedskriving av finansielle eigedelar.

NEDSKRVING AV FINANSIELLE EIGEDELAR
Modellen for nedskrivingar av finansielle eigedelar omfattar finansielle eigedelar som målast til amortisert kost eller til verkeleg verdi med verdiendringar over andre inntekter og kostnader.

Eit finansielt instrument som ikkje er kredittforringa vil ved første gangs balanseføring få ein avsetning for tap tilsvarande 12-månaders forventa tap, og klassifiserast i steg 1. 12-månaders forventa tap er noverdien, bestemt ved bruk av den effektive renta, av det tapet som er forventa å inntreffa over levetida til instrumentet, men som kan knytast til mislighald som inntreff dei første 12 månadene. Dersom kredittrisikoen, vurdert som sannsynet for mislighald over gjenværande levetid for ein eigedel eller gruppe av eigedelar, er sett å ha auka vesentleg sidan første gangs innrekning, skal det gjerast ein tapsavsetning tilsvarande noverdien, bestemt ved bruk av den effektive renta, av det tapet som er forventa å inntreffa over heile den forventa levetida til eigedelen, og eigedelen skal reklassifiserast til steg 2. For utlån klassifisert i høvesvis steg 1 og 2 vert renta berekna basert på brutto balanseført verdi, og avsetninga for tap er normalt modellbasert. Dersom det oppstår ei kredittforringing, skal instrumentet flyttast til steg 3 og tapsavsetningane setjast normalt på individuell basis. For ytterlegare beskriving av nedskrivningsmodellen vert det vist til note 5.

Konstatert tap
Tap vert sett som konstatert ved stadfesta akkord eller konkurs, ved at utleggsforretningar ikkje har ført fram, ved rettskraftig dom, eller for øvrig ved at banken har gitt avkall på heile eller delar av engasjementet, eller at engasjementet vert vurdert som tapt av banken. Banken reknar frå engasjementet i balansen når det vert konstatert tapt. Konstaterte tap som er dekte ved tidlegare avsetningar vert ført mot avsetningane. Konstaterte tap utan dekning i avsetningane samt over- eller underdekning i høve til tidlegare avsetningar vert resultatført. Sjå note 11 for ytterlegare informasjon knytt til totalt uteståande beløp som er konstatert/frårekna i balansen.

FINANSIELLE INSTRUMENT – FRÅREKNING OG MODIFISERING
Finansielle eigedelar vert frårekna når dei kontraktsmessige rettane til kontantstraumar frå dei finansielle eigedelane går ut, eller når føretaket overfører den finansielle eigedelen i ein transaksjon der all eller tilnærma all risiko og fortenestemoglegheiter knytt til eigarskap av eigedelen vert overført. Finansielle forpliktingar vert frårekna på det tidspunkt rettane til dei kontraktsmessige vilkåra er innfridd, kansellerte eller utgått.

Dersom det vert gjort modifiseringar eller endringar i vilkåra til ein eksisterande finansiell eigedel eller forplikting, vert instrumentet behandla som ein ny finansiell eigedel dersom dei reforhandla vilkåra er vesentleg forskjellige frå dei gamle vilkåra. Dersom vilkåra er vesentleg forskjellige, vert den gamle finansielle eigedelen eller forpliktinga frårekna, og ein ny finansiell eigedel eller forplikting innrekna. Generelt vert eit utlån vurdert til å vere ein ny finansiell eigedel dersom det vert utstedt ny lånedokumentasjon, samtidig som det vert føretatt ny kredittprosess med fastsetjing av nye lånevilkår.

Dersom det modifiserte instrumentet ikkje vert vurdert til å vere vesentleg forskjellig frå det eksisterande instrumentet, vert instrumentet rekneskapsmessig sett å vere ei vidareføring av det eksisterande instrumentet. Ved ei modifisering som vert rekneskapsført som ei vidareføring av eksisterande instrument, vert dei nye kontantstraumane diskonterte med instrumentet si opphavlege effektive rente, og eventuell forskjell mot eksisterande balanseført beløp vert resultatført over ordinært resultat.

OVERTAKING AV EIGEDELAR

Eigedelar som blir overtekne i samband med oppfølging av misleghaldne og nedskrivne engasjement, blir verdsette ved overtakinga til verkeleg verdi. Slike eigedelar blir klassifiserte i balansen etter art. Etterfølgjande verdivurdering og klassifisering av resultateffekter følgjer prinsippa for den aktuelle eigedelen.

MOTREKNING

Finansielle eigendeler og finansielle plikter blir motrekna og presentert berre når banken har juridisk rett til å motrekne og når banken skal gjere opp på nettogrunnlag. Inntekter og kostnader blir ikkje motrekna med mindre det er påkravd eller lov i høve IFRS.

VALUTA

Rekneskapen blir presentert i norske kroner, som er banken sin funksjonelle valuta.

ØVRIGE FORPLIKTINGAR
Avsetning til forpliktingar blir føretatt når banken har ein forpliktelse basert på ein tidlegare hending, det er sannsynleg at forpliktinga vil bli oppgjort finansielt og at forpliktinga kan estimerast påliteleg.

VARIGE DRIFTSMIDDEL

Varige driftsmiddel inkluderer bygning, tomter og driftslausøre, og er vurdert til anskaffelseskost minus akkumulerte avskrivingar og nedskrivning. Anskaffelseskost for varige driftsmiddel er kjøpspris, inkludert avgifter /skattar og kostnader direkte knytt til å sette anleggsmiddelet i stand for bruk. Utgifter som kjem etter at driftsmiddelet er tatt i bruk, slik som vedlikehald blir ført over resultatet, medan utgifter som er forventa å gje framtidige økonomiske fordeler, blir ført over balansen. Det er brukt lineære avskrivingar for å allokere kostpris over brukstida til driftsmiddelet.

NEDSKRIVNING AV VARIGE DRIFTSMIDDEL

Dersom ein ser at det ligg føre indikasjonar på fall i varige driftsmiddel, vil banken estimere det gjenvinnbare beløpet for å rekne på eventuell nedskrivning. Gjenvinnbart beløp er verkeleg verdi med frådrag for salskostnadar og bruksverdi.

Eigendelen sin balanseførte verdi blir nedskriven dersom balanseført verdi er høgare enn estimert gjenvinnbart beløp.

SKATT

Skattekostnad inkluderer betalbar skatt og endring i utsett skatt. Utsett skatt/skattefordel er kalkulert på for alle skilnader mellom rekneskapsmessig og skattemessig verdi på eigendeler og gjeld, samt underskott til framføring.

Utsett skattefordel er ført i rekneskapen når det er truleg at banken vil ha skattemessige overskot i seinare periodar til å gjere nytte av skattefordelen. Banken rekneskapsfører tidlegare ikkje rekneskapsført utsett skattefordel dersom det er truleg at banken kan nytte seg av den utsette skattefordelen. Likeins vil banken redusere utsett skattefordel om banken ikkje lenger ser det som truleg at ein kan nyttiggjere seg av den utsette skattefordelen.

Utsett skatt og utsett skattefordel er målt med basis i venta framtidige skattesatsar og skattereglar som gjeld på balansedagen, eller ein ventar blir bestemt og som ein antar blir nytta når den utsette skattefordelen blir realisert eller oppgjort. Betalbar skatt og utsett skatt er ført direkte mot eigenkapitalen i rekneskapen i den grad postane relaterer seg til eigenkapitaltransaksjonar. Her er eit unntak av fondsobligasjonar der skatteeffekten av rentekostnaden blir ført i ordinært resultat og konsernbidrag frå mor- eller søsterselskap som blir ført over resultatet.

EIGENKAPITAL
Eigenkapital består av sparebankens fond, gåvefond/kundeutbytte, fond urealiserte gevinstar og ikkje-kontrollerande eigarinteresser.

Utsendte fondsobligasjonar er obligasjonar med pålydande rente, men banken har ikkje plikt til å utbetale renter i ein periode der det ikkje vert utbetalt utbytte, og investor har heller ikkje seinare krav på renter som ikkje er utbetalt. Fondsobligasjonar møter ikkje definisjonen av ei finansiell forplikting i høve til IAS 32 og klassifiserast derfor som eigenkapital (fondsobligasjonskapital) i bankens balanse. Fondsobligasjonane er evigvarande, og banken har ein einsidig rett til ikkje å betale renter til investorane under gitte vilkår. Renter vert dermed ikkje presentert som ein rentekostnad i resultatet, men som ein reduksjon av eigenkapital.

HENDINGAR ETTER BALANSEDAGEN

Det er tatt omsyn til ny informasjon om forhold som eksisterte på balansedagen. Hendingar etter balansedagen som ikkje vil påverke bankens sin finansielle stilling på balansedagen, men som vil påverke banken si finansielle stilling i framtida er opplyst om dersom dette er vesentleg.

KONTANTSTRAUMOPPSTILLING

Kontantstraumoppstillinga er utarbeidd med utgangspunkt i kontantstraumar frå operasjonelle -, investerings- og finansieringsaktivitetar etter direkte metode. Kontantstraumar frå operasjonelle aktivitetar er definert som alle inn- og utbetalingar knytt til utlån- og innskot mot kundar og kredittinstitusjonar, inn- og utbetalingar frå kortsiktige verdipapir, samt utbetalingar frå kostnader knytt til den ordinære operasjonelle verksemda. Investeringsaktivitetar er definert som kontantstraumar frå langsiktige verdipapirtransaksjonar, - samt investering i driftsmiddel og eigendommar. Kontantstraumar frå utsending og nedbetaling av ansvarlege lån, obligasjonsgjeld og eigenkapital er definert som finansieringsaktiviteter. Omgrepet likvider omfattar kontantar og fordringar på Norges Bank.

Utarbeiding av rekneskap i samsvar med IFRS krev at leiinga i nokre tilfelle må ta føresetnader og bruke estimat og skjønnsmessige vurderingar. Estimat og skjønnsmessige vurderingar blir evaluerte løpande, og er baserte på historiske erfaringar og føresetnader om framtidige hendingar som blir rekna som sannsynlege på balansedagen. Det er knytt usikkerheit til dei føresetnadene og forventningane som ligg til grunn for brukte estimat og skjønnsmessige vurderingar. Faktiske framtidige utfall kan avvike frå estimata og føresetnadene.

NEDSKRIVING PÅ UTLÅN OG GARANTIAR
For individuelt vurderte utlån og for grupper av utlån som er identifiserte som usikre, blir det gjort ei berekning for å fastslå ein verdi på utlånet eller på grupper av utlån. Store og spesielt risikable, samt kreditt-forringa engasjement blir gjennomgått kvartalsvis. Lån til privatpersonar blir gjennomgått når dei er mislighaldne og seinast etter 90 dagar, eller dersom dei har ein særs dårleg betalingshistorikk. Berekninga føreset at det blir brukt storleikar som er baserte på vurderingar, og desse påverkar godheita i den berekna verdien.

Steg 3 nedskrivingar (individuelle nedskrivingar) 
Dersom det finst objektive bevis på at ei kredittforringing har skjedd for utlån vurdert til amortisert kost, blir tapet berekna som forskjellen mellom balanseført verdi og noverdien av estimerte framtidige kontantstraumar diskontert med utlånet sin opphavlege effektive rentesats. Estimering av framtidige kontantstraumar blir gjort på grunnlag av erfaringsdata og skjønn relatert til sannsynlege utfall for blant anna marknadsutvikling og konkrete forhold for det enkelte engasjement, inkludert erfaringsdata for låntakar sin evne til å handtere ein pressa økonomisk situasjon. Ved verdivurderinga av nedskriving på utlån er det usikkerheit ved identifiseringa av utlån som skal bli skrevet ned, estimering av tidspunkt og beløp for framtidige kontantstraumar, samt verdivurdering av sikkerheiter.

Steg 1 og 2 nedskrivingar (statistiske nedskrivingar) 
Engasjement som ikkje er individuelt nedskrivne, inngår i berekninga av statistiske nedskrivingar på utlån og garantiar. Nedskriving blir berekna på grunnlag av utviklinga i kundenes risikoklassifisering og tapserfaring for dei respektive kundegruppene (PD og LGD), samt forventa konjunktur- og marknadsutvikling (makroforhold). Sjå ytterlegare beskrivingar i avsnittet Nedskrivingsmodell i banken i note 5. Den statistiske modellen for berekning av «Expected credit losses» (ECL) på engasjementa byggjer på fleire kritiske føresetnader, inkludert mislighaldssannsyn, tap ved mislighald, forventa levetid på engasjementa og makroutvikling. På grunn av betydeleg estimatusikkerheit er det krav om å vise sensitivitetsanalysar gitt endring i ulike parameter, og dette kjem fram i note 13.

VERKELEG VERDI FOR FINANSIELLE EIGENDELAR
Verkeleg verdi på finansielle instrument som ikkje er noterte i eit aktivt marknad (nivå 2 og 3) er verdsett ved bruk av verdsetjingsteknikkar, og slike verdsetjingar vil vere knytte til usikkerheit. Verdsetjingsteknikkar (for eksempel modellar) som er brukte for å bestemme verkeleg verdi blir vurderte periodisk opp mot utvikling i verdi av liknande instrument, og gjennomførte transaksjonar i same papir. I den grad det er praktisk mogleg blir observerbare data brukte, men på område som kredittrisiko, volatilitet og korrelasjonar må det brukast estimat. Endring i føresetnadene om desse faktorane kan påverke verkeleg verdi på finansielle instrument. Sjå note 26 for sensitivitetsberekningar.

Banken sine aktivitetar fører til at ein er eksponert for ei rekke finansielle risikofaktorar. Banken si målsetjing er å oppnå ein god balanse mellom avkastning og risiko, og å minske potensielle negative effektar på det rekneskapsmessige resultat. Banken si finansielle risikostyring er laga for å identifisere og analysere disse risikoane, samt å etablere passande risikorammer og -kontroller, og å overvake etterlevinga gjennom bruk av pålitelege og oppdaterte informasjonssystem. Banken vurderer jamleg dei etablerte retningslinene for risikostyring og systemet som er etablert for å sikre at endringar i produkt og marknader blir reflektert i risikorammene.

Ansvaret for banken si risikostyring og kontroll er delt mellom bankens styre og leiinga. Styret vedtar banken sine mål og rammestruktur innanfor alle risikområder, også retningsliner for styring av risiko.

Banksjef har ansvaret for bankens samla risikostyring. Alle vedtak knytta til risiko og risikostyring blir normalt gjort av banksjef i samråd med øvrige medlemmene i leiargruppa.

Alle leiarar i banken har ansvar for å styre risiko og sikre god intern kontroll innanfor eige område i tråd med banken sin vedtekne risikoprofil.

KREDITTRISIKO
Banken tek kredittrisiko, som er risikoen for at motparten vil påføre banken eit tap ved ikkje å gjere opp bankens tilgodehavande. Kredtitteksponering er primært knytt til uteståande lån og gjeldspapir. Det er også kredittrisiko knytt til «off-balance» finansielle instrument som lånetilsegn, unytta kreditt og garantiar. Sjå note 5-13 for vurdering av kredittrisiko.

Ørskog Sparebank nyttar standardmetoden for kredittrisiko og basismetoden for operasjonell risiko. CRR3 blei innført i Noreg frå 1. april. Endringane i regelverket for standardmetoden inneber meir risikosensitive risikovekter enn i CRR2, særleg for lån med pant i eigedom, der belåningsgrad og verdsetjingsprinsipp får større betydning.

Per 31. desember 2025 er kravet til bevaringsbuffer 2,5 %, systemrisikobuffer 4,5 % og motsyklisk kapitalbuffer 2,5 %. Kravet om rein kjernekapital er på 4,5 %, slik at samla minstekrav til rein kjernekapital er 14,0 %. I tillegg har Finanstilsynet fastsett eit pilar 2-krav for Ørskog Sparebank på 2,10 % som må dekkjast med minimum 56,25 % rein kjernekapital og minimum 75 % kjernekapital. Regulatoriske minstekrav til rein kjernekapital, inkludert pilar 2-kravet, er dermed 16,10 % på konsolidert nivå.

Bankens mål om rein kjernekapitaldekning på konsolidert nivå er minimum 16,7 % per 31. desember 2025.

Ein sentral del i bankens kapitalstyring er konsernet si interne vurdering av kapitalbehov (ICAAP – Internal Capital Adequacy Assessment Process). I denne prosessen vert det gjort vurderingar av alle vesentlege risikoar banken er eksponert mot med tilhøyrande vurdering av internt kapitalbehov for dei ulike risikoane. Styret går i samband med ICAAP gjennom dei viktigaste risikoområda og internkontroll. Analyse tek sikte på å få dokumentert kvaliteten på arbeidet innan dei mest vesentlege risikoområda. Gjennomgangen skal sikre at endringar i risikobiletet vert identifisert slik at nødvendige forbetringstiltak kan iverksetjast. Tilleggsinformasjon om bankens ansvarlege kapital og risikoprofil er offentleggjort på bankens nettsider – pilar 3 dokument.

Samarbeidande gruppe pr 31. desember 2025:

Føretak som deltek i samarbeidande gruppe skal foreta forholdsmessig konsolidering av eigardelar i finansføretak som samarbeidet omfattar, jf. Finansføretakslova § 17-13 (2) og utfyllande føresegner i CRR/CRD-forskrifta § 16 (3) og §32 (4).

Ørskog Sparebank deltek i samarbeidande gruppe med Eika Gruppen AS, Eika Boligkreditt AS og Kredittbanken ASA. Eigardelen i Eika Gruppen (0,69 %) og Eika Boligkreditt (1,12 %) og Kredittbanken ASA (0,15 %) vert konsolidert med bankens kapitaldekning.

Banken har fram til 4. kvartal 2025 praktisert å ta eigardelar i selskap som forholdsmessig konsoliderast inn til frådrag i rein kjernekapital i morbanken. Dette prinsippet har banken endra, i likskap med resten av bankane i alliansen, ved rapportering for 4. kvartal 2025 i samsvar med unntaksregelen i utrekningsforskrifta § 18 bokstav c, som tilsvarar artikkel 49.2 i CRR. Dette medfører at banken hamnar under terskelverdien på 10 % for frådrag, og gir ein auke i kapitaldekning på morbanknivå. Prinsippendringa medfører ingen endring for dei forholdsmessig konsoliderte tala. Historikken er ikkje omarbeidd.

Forplikting om tilførsel av kapital i Eika Boligkreditt:

**I samsvar med ny avtale om kjøp av OMF mellom banken og Eika Boligkreditt AS, har banken påteke seg ei likviditetsforplikting ovanfor Eika Boligkreditt AS. Per 31. desember 2025 er denne forpliktinga på inntil 107,7 MNOK. I morbanken si kapitaldekning har bankens netto likviditetsforplikting 50 % konverteringsfaktor som igjen Vektast som OMF med 10 %. Risikovekt. I morbanken sitt berekningsgrunnlag for kapitaldekning inngår dermed forpliktinga med 10,7 MNOK. Likviditetsforpliktinga blir eliminert i konsolidert kapitaldekning sidan den blir dekt av banken sitt konsoliderte pilar 2-krav.

Kredittrisiko oppstår hovudsakleg i banken si utlånsportefølje, men også knytt til banken si behaldning av obligasjonar, sertifikat og finansielle derivat.

Måling av kredittrisiko for utlånsportefølja
Sannsynlegheit for mislighald blir brukt som mål på kredittkvalitet. Banken nyttar same modell for å estimere mislighaldssannsyn som resten av Eika-bankane. Nedskrivningsmodellen er beskriven i avsnittet under.

Nedskrivningsmodellen bereknar ei mislighaldssannsyn per kunde som blir tilordna ei risikoklasse. Banken deler porteføljen inn i tolv risikoklassar, basert på PD for kvart kredittengasjement, sjå den underliggjande tabellen:

Bankens portefølje inndelt etter risikoklasse og steg er presentert i note 6.

NEDSKRIVINGSMODELL I BANKEN 
Forventa kredittap (ECL) i steg 1 og 2 blir berekna som EAD x PD x LGD, neddiskontert med effektiv rente. Eika har utvikla eigne modellar for berekning av sannsynlegheit for mislighald (PD) og tap gitt mislighald (LGD). Banken nyttar seg av Eika si løysing for berekning av eksponering ved mislighald (EAD), vurdering om eit engasjement har hatt vesentleg auke i kredittrisiko sidan første gongs innrekning og sjølve berekninga av forventa kredittap (ECL).

Definisjon av mislighald
Banken har definert mislighald i samsvar med European Banking Authority sine retningslinjer for korleis bankar skal bruke mislighaldsdefinisjon i kapitalkravsforordninga (CRR), samt presiseringar i CRR/CRD IV-forskrifta. Det følgjer av desse reglane at ein kunde vil bli klassifisert som mislighaldt dersom minst eitt av følgjande kriterium er oppfylt:

• Kunden har eit overtrekk som både overstig ei relativ- og absoluttgrense i meir enn 90 samanhengande dagar. For både PM- og BM-kundar er den relative grensa lik 1 % av kunden sine samla eksponeringar.
• For PM-kundar / retail-kundar er den absolutte grensa lik 1.000 kroner
• For BM-kundar er den absolutte grensa lik 2.000 kroner
• Det er vurdert som truleg at kunden ikkje vil kunne innfri sine kredittforpliktingar overfor banken (unlikely to pay – UTP).
• Kunden er smitta av ein annan kunde som er i mislighald i samsvar med dei to første kriterium nemnt over.

Definisjonen av mislighald inneber innføring av karensperiode som tilseier at kundane blir kategoriserte som mislighaldne ein periode etter at misleghaldet er brakt i orden. Karensperioden er tre månader etter friskmelding med unntak av engasjement med forbearance-markering der tilhøyrande karensperiode er tolv månader.

Eksponering ved mislighald (EAD)
EAD for avtalar i steg 1 består av uteståande fordring eller forplikting justert for kontantstraumar dei neste 12 månadene og for avtalar i steg 2 dei neddiskonterte kontantstraumane for den forventa levetida til avtalen. For garantiar er EAD lik den uteståande forpliktinga på rapporteringsdatoen multiplisert med ein konverteringsfaktor på 1 eller 0,5 avhengig av type garanti. Unytta kredittar har EAD lik uteståande unytta kreditt på rapporteringstidspunktet.

Forventa levetid på ein avtale blir berekna ut frå liknande avtalar sin historiske gjennomsnittlege levetid.

Avtalar som blir modifiserte blir målt frå opphavleg tidspunkt når lånet vart innvilga, sjølv om avtalen får nye vilkår.

Tap ved mislighald (LGD)
Estimat for LGD er basert på historiske tap i alle Eika-bankane basert på ulike intervall av sikkerheitsdekning eller belåningsgrad. Modellane skil mellom person- og bedriftskundar.

Personkundar

• Kundar med sikkerheit i fast eigedom
• Kundar med anna sikkerheit enn fast eigedom
• Kundar utan registrert sikkerheit

Bedriftskundar

• Kundar med sikkerheit
• Kundar utan sikkerheit
• Verdien av sikkerheiter er tatt omnsyn til og baserer seg på estimerte realisasjonsverdiar.

Sannsynlegheit for mislighald (PD)
Banken sin PD-modell er utvikla av Eika Gruppen. PD-modellen estimerer sannsynlegheit for mislighald ved å estimere statistiske samanhengar mellom mislighald og kunden sin finansielle stilling, demografiske data og betalingsåtferd. For delar av porteføljen blir det brukt policykoder når kunden sin risiko ikkje kan bli utrekna på ordinær måte, dette kan skuldast kundetype eller hending. Kundar med policykode blir overstyrte til ei risikoklasse med tilhøyrande førehandsdefinert PD.

Modellen skil mellom personkundar og bedriftskundar, og måler sannsynlegheit for mislighald dei neste 12 månadene (PD 12 mnd.). Modellen består vidare av to undermodellar, inkludert ein åtferdsmodell og ein generisk modell, som blir vektlagde ulikt basert på tid som kunde og tid sidan siste kredittsjekk. Den generiske modellen blir brukt utelukkande i dei tilfella der kundeforholdet og tid sidan siste kredittsjekk har vore kortare enn ein førehandsdefinert tidshorisont. Berre åtferdsmodell blir brukt dersom kundeforholdet og tid sidan siste kredittsjekk har vore lengre enn ein gitt tidshorisont. I alle andre tidshorisontar vil ein kombinasjon av modellane bli brukt. For ikkje-gjenpartspliktige BM-kundar vil det alltid bli brukt ein kombinasjon av modellane i dei tilfella kundeforholdet har vart lengre enn ein gitt tidshorisont.

Åtferdsmodellen angir PD 12 mnd. basert på observert åtferd frå kunden sine kontoar, transaksjonar og produktfordeling. Generisk modell angir PD 12 mnd. basert på offentleg informasjon. Generisk modell er utvikla av Dun & Bradstreet.

For bedriftskundar består den generiske modellen av fire undermodellar, inkludert enkeltpersonsforetak (ENK), føretak der eigar direkte heftar for gjeld (ANS/DA), øvrige føretak med innlevert rekneskap og øvrige føretak utan rekneskap. For personkundar består den generiske modellen av fem undermodellar, der fire er delte opp etter kunden sin alder (18-26 år, 27-42 år, 43-65 år og 66+ år) og den siste består av personar, uansett alder, med minst ein aktiv betalingsmerknad.

Med utgangspunkt i PD 12 mnd., blir mislighaldssannsynlegheit berekna over engasjementet si forventa levetid (PD liv) med ein migrasjonsbasert framskriving, samt justeringar for forventningar til framtida (omtalt nedanfor). Modellane blir årleg validerte og rekalibrerte ved behov. Ved forringing av modellane sin kvalitet blir det utvikla nye modellar.

Vesentleg auke i kredittrisiko (Migrering)

Vesentleg auke i kredittrisiko blir målt basert på utvikling i PD, der ein samanliknar den estimerte PD på rapporteringstidspunktet den gongen eigendelen første gang blei innrekna (PD ini) med rapporteringstidspunktet. Dersom PD er høgre enn venta på rapporteringstidspunktet har det funne stad ei vesentleg auke i kredittrisiko.

For engasjement som hadde opphaveleg PD 12 mnd. mindre enn 1 %, er vesentleg auke definert som: PD 12 mnd > PD 12 mnd. ini + 0,5 % og PD liv > PD liv ini * 2

For engasjement som hadde opphaveleg PD 12 mnd. over eller lik 1 %, er vesentleg auke definert som: PD 12 mnd > PD 12 mnd. ini + 2 % eller PD liv > PD liv ini * 2

Det ligg ikkje føre spesifikke karenskriterier med tanke på migrering, difor vil engasjementet bli tilbakeført til steg 1 dersom tilhøyrande PD endringar ikkje lenger oppfyller krava til vesentleg auke i kredittrisiko.

Det er i tillegg to absolutte kriterier som alltid definerer en vesentleg auke i kredittrisiko.

• Eigendelen er ikkje kredittforringa, men det er gitt betalingslettelser i forbindelse med at kunden er i finansielle utfordringar
• Eigendelen har eit overtrekk på minimum 1.000 kroner i meir enn 30 samanhengande dagar.

Forventa kredittap basert på forventning til framtida
IFRS 9 krev at framoverskuande informasjon blir inkludert i vurdering av forventa kredittap.

For forventningar til framtida nyttar vi ein makroøkonomisk regresjonsmodell for PM og BM som vurderer endring i sannsynlegheit for misleghald (PD) i tre scenario – basis (normal makroøkonomiske situasjon), nedside (vesentleg økonomisk nedgangskonjunktur) og oppside (eit scenario i høgkonjunktur). For å predikere framtidig konkursnivå og mislighaldsnivå i et basisscenario nyttast prognoser frå SSB for dei til ein kvar tid gjeldande makrovariablane (uavhengige variablane).

Opp- og nedsidescenariet vert utleda av eit gitt antal standardavvik positivt eller negativt utslag i makrovariablane samanlikna med basisprognosen frå SSB. Ved vurdering av antal standardavvik utslag ser ein til Norges Bank og Finanstilsynet sine stresstestar, sett i samanheng med vektinga av dei ulike scenarioa.

Scenarioa er gitt ei sannsynlegvekting; basis 70 %, nedside 20 % og oppside 10 %. I alle tre scenarioa legg ein til grunn at økonomien kjem attende til eit felles snitt mot slutten av ei femårs prognoseperiode.

Tabellen viser makromodellen sitt forventa nivå for misleghald samanlikna med dagens nivå for misleghald for personmarknaden. Ein faktor på 1,6 tyder at kundane sin PD er venta å være 60 % høgare enn dagens PD. Motsvarande betyr ein faktor på 0,3 at PD er venta å være 30 % av dagens PD.

Tabellen syner makromodellen si forventning til nivå for misleghald samanlikna med dagens nivå for misleghald for bedriftsmarknaden

I note 13 kjem resultata av utvalde scenarioutrekningar, mellom anna forventa kredittap dersom høvesvis makrofaktorane i nedside- og oppsidescenarioet vart nytta i utrekningane.

Banken går gjennom heile portefølja med lån til bedriftsmarknaden årleg, i tillegg til store og spesielt risikable engasjement løpande gjennom året. Lån til privatpersonar blir gjennomgått når dei er misleghaldne eller dei har dårleg betalingshistorikk. Banken gjer individuelle vurderingar, og nyttar eit eige program til å estimere nedskrivinger på einskilde kundar. Her nyttar banken vurderingar og estimat på den forventa framtidige finansielle stillinga til låntakaren. For engasjement i bedriftsmarknaden ser ein og på marknadssituasjonen for kunden og den aktuell sektoren. Vidare ser ein på moglegheitene for rekapitalisering, restrukturering og refinansiering. Det er ei samla vurdering av faktorane som blir lagt til grunn for estimering av framtidig kontantstraum. Kontantstraumane blir estimert over ei periode tilsvarande forventa løpetid for den aktuelle kunden, eller gruppe av kundar dersom det er like trekk knytt til kundane. Nedskrivingane bereknast i tre scenarier: basis, oppside og nedside. Banken sett av for tap i steg 3 dersom kunden er kredittforringa. Ved vurdering av tapsbeløp vil det hefte uvisse ved estimering av tidspunkt og beløp for framtidige kontantstraumar inkludert verdsetting av den aktuelle sikkerheit som er stilt. Ein syner til note 11 for oversikt over nedskriving på utlån og garantiar.

Nedskrivingane vert utrekna i tre scenarioer; basis, oppside og nedside, som også blir vekta. Vektinga og utrekninga av dei ulike scenarioa gjerast individuelt for kvar Banken sett av for tap i steg 3 om kunden er kredittforringet. Når ein vurderer tapsavsetninga hefter det usikkerheit ved estimering av tidspunkt og beløp for framtidige kontantstraumar inkludert verdsetting av sikkerheiter. Ein viser til note 11 for oversikt over nedskrivning på utlån og garantiar.

Definisjon av mislighaldt/tapsutsette engasjement i Steg 3
Alle engasjement klassifisert som mislighaldt, i høve beskriving tidlegare i note 5, rapporterast i steg 3. Dette inneberer også at det brukast tilsvarande karenstid for engasjementa i steg 3 før de kan migrere til steg 2 eller 1.

2025

2024

2025

Banken har ingen engasjement i steg 3 der det ikkje er gjort nedskriving grunna verdien på sikkerheiter. Dette var det same for 2024. Banken har per 31.12.2025 kr. 0 millionar i tapskonstaterte engasjement som er under inndriving. Inntekter frå denne aktiviteten blir ført som ein reduksjon av nedskrivingar.

2024

Antal dagar i forfall blir rekna frå det tidspunktet eit lån har et overtrekk som overstig den relative- og absolutte grensa. For både PM- og BM-kundar er den relative grensa lik 1% av kunden sine samla eksponeringar

- For PM-kundar er den absolutte grensa lik 1.000 kroner
- For BM-kundar er den absolutte grensa lik 2.000 kroner

2025

2024

I høve med IFRS 9 er banken sine utlån til kundar, unytta kredittar og garantiar gruppert i tre steg basert på misleghaldssannsynligheit (PD) på innrekningstidpunktet samanlikna med misleghaldssannsynligheit på balansedagen. Samt øvrige indikatorar på vesentleg auke i kredittrisiko og/eller kredittforringelse, antal dagar med betalingsmisleghald, betalingslettelser ved finansielle utfordringar og skjønnsmessige tapsvurderinger. Fordelinga mellom stega blir gjort for det einskilde lån eller engasjement.

Tabellane under spesifiserer endringane i perioda sine nedskrivninger og brutto balanseført utlån, garantiar og unytta trekkrettigheiter for kvart steg, og inkluderer desse elementa:

• Overføring mellom steg som skuldast endring i kredittrisiko, fra 12 månaders forventa kredittap i steg 1 til kreditt tap over levetida til instrumentet i steg 2 og steg 3.

• Auke i nedskrivninger ved utskriving av nye utlån, unytta kredittar og garantiar.

• Reduksjon i nedskrivninger ved frårekning av utlån, unytta kredittar og garantiar.

• Auke eller reduksjon i nedskrivninger som skuldast endringar i inputvariabler, føresetnader for omrekning, makroøkonomiske føresetnader og effekten av diskontering.

Nedskrivning på unytta kredittar og garantiar er balanseført som gjeldsforpliktelse i rekneskapen.

Sjå og note 3 kredittrisiko for meir info om tapsvurderingar etter IFRS 9.

Avsetningane for tap på garantiar og kredittar er inkludert i balanselinja andre avsetningar

Pr. 31.12.2025 utgjorde dei 10 største konsoliderte kredittengasjementa i morbanken 6,88 % (2024: 5,76 %) av brutto engasjement. Banken har 0 konsolidert engasjement som blir rapportert som stort engasjement, dvs. meir enn 10,00 % av ansvarleg kapital.

Brutto engasjement inkluderer utlån til kundar før nedskrivning, unytta kredittrammer, garantiar og unytta garantirammer av netto ansvarleg kapital. Engasjementsbeløp før risikovekting og sikkerheiter

Tapsavsetnadane i denne noten knyt seg til modellutrekna tapsavsetnader for engasjement i steg 1, 2 og 3. Vi presiserer at disse tala berre er frå modellutrekna tapsavsetnader og vil derfor avvike frå faktisk bokførte tapsavsetnader. Dette på grunn av at banken har postert nokre manuelle tapsavsetningar i tillegg.

Scenarioa:

Bokførte nedskrivninger
Nedskrivninger i steg 1, 2 og 3 som utregna i nedskrivningsmodellen.

Scenario 1: Ingen påverknad frå makromodell
Senarioet syner på kva måte nedskrivingane vil sjå ut med ein konstant "forventning til framtida". Scenarioet syner ei forventing om "ingen endringar i økonomien" fram i tid. Ein kan nytte scenarioet til å vurdere konsekvenser av framtidsforventningene i dei geografiske områda eller bransjane, som har større justeringar.

Scenario 2: Full løpetid på alle avtaler
Senarioet handsamar alle fasilitetar med full løpetid og simulerer korleis nedskrivinga blir endra om alle fasilitetar nyttar kontraktuell løpetid. Nedskrivningsmodellen tar elles for steg 1 eitt års løpetid og for steg 2 ei gjennomsnittleg venta løpetid ved rekning av nedskrivninger

Scenario 3: PD 12 mnd. økt med 10 %
Endringa, som følgje av ei 10 % stigning i sannsynlegheit for default senarioet, syner effekten ved ei isolert stigning i 12 mnd. PD. Effekten er ei mogleg endring i stegfordeling og justering av ratingbånd til rekning på PD liv-kurven for kundar i steg 2. Senarioet gjenreknar ikkje PD liv som avleda faktor for ikkje å øydelegge effekten ved isolert endring av PD 12 mnd.

Scenario 4: PD 12 mnd. minka med 10 %
Endringa, som følgje av eit 10% fall i sannsynlegheit for default senarioet, syner effekten ved eit isolert fall i 12 mnd. PD. Effekten er ei mogleg endring i stegfordelinga og justering av ratingbånd til rekning på PD liv-kurven for kundar i steg 2. Senarioet gjenreknar ikkje PD liv som avleda faktor for ikkje å øydelegge effekten ved isolert endring av PD 12 mnd.

Scenario 5: LGD justert til å simulere 30 % fall i bustadprisar
LGD, tap gitt misleghald, er endra slik at det simulerer ein nedgang i bustadprisar på 30 %, noko som vil gje store tap ved realisasjon.

Scenario 6: Forventing til framtida der nedsidescenarioet blir vekta 100 %
Scenarioet skildrar på kva måte nedskrivinga vil sjå ut med ei "forventing til framtida" basert på nedsidescenarioet.

Scenario 7: Forventning til framtida der oppsidescenarioet blir vekta 100 %
Scenarioet skildrar korleis nedskrivinga vil sjå ut med en "forventning til framtida" berre basert på oppsidescenarioet.

Scenario 8: LGD justert til å simulere 20 % fall i bustadprisar
LGD, tap gitt misleghald, er endra slik at det simulerer nedgang i bustadprisar på 20 %, noko som vil gi vesentlege tap ved realisasjon.

Likviditetsrisiko er risikoen for at banken i ein gitt situasjon ikkje er i stand til å refinansiere seg i høveleg grad til at banken kan møte sine plikter. Det er i hovudsak 3 ting som verker inn på likviditetsrisiko;

1) balansestruktur: Banken har liten skilnad i omløpsfart og bindingstid på aktiva og passiva, og har såleis eit lite refinansieringsbehov.

2) likviditeten i marknaden: Denne er vurdert til mindre attraktiv basert på auka risikopåslag gjennom 2025.

3) kredittverdigheit: Kredittverdigheit kjem til uttrykk gjennom banken sin rating. Viktige element i ratingen er banken sin soliditet, likviditet, inntening, risikoprofil og porteføljekvalitet. Banken sin rating betra seg i 2025, og gjekk opp frå BBB+ til A- pr. 30.06.2024.

Denne risikoen er forsøkt dekt på to måtar: etablering av lånerammer i norske finansinstitusjonar, samt fleire konkrete policykrav på likviditetsområdet, mellom anna at kundane sine innskot i banken skal utgjere minst 75 % av netto utlån. Banken har ubrukte kommitterte trekkrettar i andre finansinstitusjonar på 200 mill. NOK og ubrukte lånerettar i Noregs Bank på om lag 265 mill. NOK.

Banken er medeigar i Eika Boligkreditt AS og har per 31. desember 2025 ein låneportefølje på 1.340 mill. NOK til dette selskapet. På kort tid kan banken normalt klargjere ei portefølje på 50 mill. NOK for overføring til bustadkredittføretaket. Dette er med på å redusere banken si likviditetsrisiko, sjølv om banken som medeigar òg har eit ansvar for finansieringa av Eika Boligkreditt AS. Denne risikoen blir normalt vurdert som liten; sjå meir informasjon om likviditetsforpliktinga i note 40.

Pliktene som er lista om under, er udiskonterte kontantstrøymer inkludert avdrag og renter.

NOTE 15 – Valutarisiko

Banken har berre ei mindre kontantbehaldning på kr. 2,9 millionar kr og har elles ingen aktiva- eller passivapostar i utanlandsk valuta pr. 31.12.2025.

Kursrisiko på verdipapir er risikoen for tap som kan oppstå ved endringar i verdien på obligasjonar og eigenkapitalpapir som banken har investert i. Banken har etablert rammer for investeringar. Investeringar ut over ramme skal godkjennast av banken sitt styre. Sjå note 25 for sensitivitets analyse på nivå 3 verdsetting.

Renterisiko oppstår i samband med banken si utlåns-, innlåns- og investeringsverksemd. Renterisiko er eit resultat av at rentebindingstida for banken si eigedels- og gjeldsside ikkje er samanfallande. Banken har som strategi å ikkje pådra seg vesentleg renterisiko innanfor den ordinære verksemda. Bankens utlån og finansiering er i all hovudsak til flytande rente. Dette fører til ei avgrensa eksponering mot endringar i marknadsrenta.

Rentefølsomheit
Banken måler og styrer renterisikoen i samsvar med EBA-retningslinje 2022/14 og Finanstilsynet sine retningslinjer. Renterisikoen for EVE (Economic Value of Equity) blir utrekna ved hjelp av seks standardiserte sjokkscenario fordelt på 19 tidsintervall. Tabellen nedanfor viser dei estimerte økonomiske konsekvensane av ulike renteendringar for banken sin balanse.

Segmentrapporteringa er basert på intern leiingsrapportering. Resultat- og balanseoppstillinga for segmenta følgjer av ei samanstilling av intern finansrapportering for dei to forretningsområda i samsvar med banken si styringsmodell. Banken har to segment: Privatmarknad (PM) og Bedriftsmarknad (BM), basert på banken sine to hovudkundegrupper og i tråd med den interne organiseringa av verksemda. Øvrig verksemd blir presentert samla og er i hovudsak knytt til fellestenester og plasseringar.
Rekneskapsprinsippa som blir nytta ved utarbeiding av segmentinformasjon er dei same som ved utarbeiding av årsrekneskapen. Konsernet har berre verksemd i Noreg, og alle inntekter er opptente i Noreg. Alle eigendeler er og heimehørende i Noreg.

Tilsette går inn i den felles innskotsbaserte ordninga. Bankens pensjonsordning oppfyller krava i lov om obligatorisk tenestepensjon.

Som erstatning for den gamle AFP-ordninga er det etablert en ny AFP-ordning. Den nye AFP-ordninga er ikkje ei førtidspensjonsordning, men ei ordning som gir eit livslangt tillegg til den ordinære pensjonen. Dei tilsette kan velje å ta ut den nye AFP-ordninga frå og med fylte 62 år, også ved sidan av å stå i jobb, og den gir ytterlegare opptening ved arbeid fram til 67 år. Den nye AFP-ordninga er ei ytelsesbasert flerforetakspensjonsordning, og blir finansiert gjennom premiar som blir fastsett som ein prosent av lønn. Foreløpig ligg det ikkje føre påliteleg måling og allokering av plikter og midlar i ordninga. Rekneskapsmessig blir ordninga handsama som ein innskotsbasert pensjonsordning der premiebetalingar blir kostnadsført løpande, og ingen avsetnader blir gjort i rekneskapen. Det er ikkje fondsoppbygging i ordninga.

Der er 1 tilsett som har ytelsesbasert pensjonsordning. Dette er teke omsyn til i årsrekneskapen men det er ikkje utarbeidd fulle noteopplysningar til denne ordninga på grunn av uvesentlegheit.

Vilkår lån for leiande ansatte er på same vilkår som øvrige ansatte.

Medlem i valnemda får godtgjering på kr 2.000 pr. møte.

Det er ikkje avtalt aldersgrense for å tre i frå stillinga for banksjef. Det er 3 mnd. gjensidig oppseiingstid og banksjef har innskotsbasert pensjonsordning. Banksjef tar del i bonusordninga saman dei andre tilsette i banken. Dersom styret ber banksjef om å tre i frå si stilling, eller banksjefen sjølv seier opp, har banksjefen rett på løn i oppseiingstida samt etterlønn i 6 mnd. frå det tidspunktet han sluttar.

Skattekostnaden består av betalbar skatt og endring i utsett skatt. Utsett skatt/skattefordel er utrekna på alle skilnader mellom rekneskapsmessig og skattemessig verdi på eigedelar og gjeld, samt underskot til framføring.

Utsett skatt og utsett skattefordel er målt basert på forventa framtidige skattesatsar og skattereglar som gjeld på balansedagen, eller som med overveigande sannsyn blir venta vedtekne, og som er føresett å skulle nyttast når den utsette skattefordelen blir realisert eller når den utsette skatten skal gjerast opp.
Betalbar skatt og utsett skatt er ført direkte mot eigenkapitalen i den grad skattepostane relaterer seg til eigenkapitaltransaksjonar, med unntak av fondsobligasjonar der skatteeffekten av rentekostnaden blir ført i ordinært resultat, og konsernbidrag frå mor- eller søsterselskap som blir resultatført.