Delårsrapport 3. kvartal 2025

Ørskog Sparebank vart skipa i 1857. Banken tilbyr innskot, utlån og betalingsformidling samt tilhøyrande banktenester for personmarknaden Noreg og for bedriftsmarknaden på indre Sunnmøre og kring Ålesund.

Banken sitt hovudkontor har besøksadresse 6240 Ørskog.

Banken har notert obligasjonsgjeld på Nordic ABM på Oslo børs og har utstedt fondsobligasjonar Banken har ikkje utstedt eigenkapitalbevis.

Denne regnskapsrapporten gjeld frå 01.januar til 30.september 2025. Rekneskapen er presentert i norske kroner, og alle tal er vist i heile tusen, om ikkje anna er oppgitt.

Rekneskapen pr 3. kvartal 2025 ble godkjend av styret 30.10.2025

Delårsrapport pr. 30. september 2025 er utarbeidd i samsvar med IAS 34 delårsrapportering og årsrekneskaps-forskrifta. Delårsrapporten skal lesast med relasjon til siste årsrapport pr 31.12.2024.

Delårsregnskapet er ikkje revidert og overskotet hittil i år er ikkje inkludert i soliditets berekninga.

Dei same rekneskapsprinsipp og berekningar er følgt i delårsregnskapet som i siste årsregnskap.

Tall i noter er angitt for bank viss ikkje anna er presisert i den enkelte note.

Det vert vist til årsrapporten for 2024 for ytterlegare beskriving av IFRS 9 og øvrige rekneskapsprinsipp.

Ørskog Sparebank eig 73,91 % av aksjane i Sjøholt Næringsbygg. Eigarskapet er eit resultat av ei restrukturering som var ferdig i 2021 der kapitalutviding samt konvertering av gjeld til eigenkapital vart gjennomført. Dette vart gjort for å ta vare på verdien som ligg i ein langsiktig leigeavtale med Ålesund kommune. Banken har ikkje intensjon om å vere langsiktig eigar i eigendommen.

Innskot og utlån, samt transaksjonar mellom nærståande har same vilkår som overfor ekstern tredjepart.

Etter IFRS 9 er banken sine utlån til kundar, unytta kredittar og garantiar gruppert i tre steg basert på sannsynlegheita for misleghald (PD) på innrekningstidpunktet samanlikna med sannsynlegheit fort misleghald på balansedagen. Fordeling mellom steg blir gjort for det enkelte lån eller engasjement.

Tabellane under spesifiserer endringar i nedskrivinger og brutto balanseførte utlån, garantiar og unytta kredittar for kvart steg, og inkluderer følgjande element:

Overføring mellom steg som skuldast endring i kredittrisiko, fra 12 månaders venta kredittap i steg 1 til kredittap over venta levetid i steg 2 og steg 3.

• Overføring mellom steg som skuldast endring i kredittrisiko, fra 12 månaders forventa kredittap i steg 1 til kredittap over forventa levetid i steg 2 og steg 3.

• Auke i nedskrivinger ved utsending av nye utlån, unytta kredittar og garantiar.

• Reduksjon i nedskrivinger ved frårekning av utlån, unytta kredittar og garantiar.

• Auke eller minkinga i nedskrivninger som skuldast endringar i inputvariabler, andre føresetnader, makroøkonomiske føresetnader og effekten av diskontering.

Banken utarbeider rekneskap for segmenta privatmarknad (PM) og bedriftsmarknad (BM). Personkundar som blir fylgt opp av bedriftskundeavdelinga inngår i bedriftsmarknaden. Etter banken sin vurdering, ligg det ikkje føre vesentlege skilnader i risiko og avkasting på produkt og tenester som går inn i hovudmarkedene til banken.

Banken opererer i et geografisk avgrensa område, og rapportering på geografiske segment gir lite tilleggsinformasjon.

Verkeleg verdimåling og -opplysningar klassifisert etter nivå

Verdsettingsnivå tyder verdsettingssmetoden som er nytta for å fastsette verkeleg verdi.

I Nivå 1 er verdien fastsett ut fra kvoterte priser i aktive marknader.

I nivå 2 er verdien utleda frå kvoterte prisar, eller marknadsverdiar.

Nivå 3 er verdiar som ikkje er basert på observerbare marknadsdata. Verdsettinga av Eika Boligkreditt AS er basert på vurdering av eigenkapitalen i selskapet. Verdsettinga av Eika Gruppen AS tar utgangspunkt i ei verdivurdering av dei einskilde selskapa i gruppa, og ein samla verdi for konsernet totalt, basert på relevante verdsettingsmetoder. Denne verdivurdering blir halden opp imot sist kjente emisjons- og/eller omsettingskurs, sett i høve av banken sine eigne vurderingar av hendingar frem til balansedagen.

CRR3 vart innført i Noreg frå 1. april. Endringane frå regelverket for standardmetoden inneber meir risikosensitive risikovekter enn i CRR2, særleg for lån med pant i eigedom, der belåningsgrad og verdsetjingsprinsipp får større tyding. Dette påverkar utrekna kapitalkrav og kapitaldekning. Følgjande endringar har størst verknad på kapitaldekningsutrekninga:

Pant i bustadeigedom: Engasjement med belåningsgrad under 55 % får ein risikovekt på 20 %. Delen av engasjementet over 55 % belåningsgrad får ein risikovekt på 75 %. Dette prinsippet vert kalla «lånesplitt-metoden». Fram til 1. april i år hadde delen av engasjement med pant i bustadeigedom under 80 % belåningsgrad ein risikovekt på 35 %.

Pant i næringseigedom: CRR2 med nasjonale reglar for Noreg gav inga reduksjon i risikovekt for tryggleik i næringseigedom, det vil seie at desse engasjementa hadde ein risikovekt på 100 %. CRR3 innfører redusert risikovekt for tryggleik i næringseigedom etter følgjande reglar (prinsippet kalla «heile lånet-metoden»):

- Belåningsgrad under 60 % gir risikovekt på 70 % for heile lånet.

- Belåningsgrad mellom 60 % og 80 % gir risikovekt på 90 % for heile lånet.

- Belåningsgrad over 80 % gir ein risikovekt på 110 % for heile lånet.

I den nye standardmetoden er det eigne og høgare risikovekter for lån med tryggleik i inntektsgjevande næringseigedom. Desse vektene vert i Noreg gjeldande for alle lån sikra med pant i næringseigedom, uavhengig av om eigedomen faktisk er inntektsgjevande.

Det er òg innført strengare krav til verdsetjing av eigedomar, der gjennomsnittsverdiar over 6–8 år skal nyttast, med visse unntak.

Eigenkapitalposisjonar: Det er innført ein regel om risikovekt på 250 % for langsiktige investeringar i aksjar og fondsobligasjonar, og risikovekt på 400 % for investeringar i aksjar med tanke på vidare sal, samt investeringar i venturekapital-selskap o.l. Det er likevel gitt overgangsreglar som inneber ei gradvis opptrapping av risikovekt fram mot 31.12.2030. I perioden 30.06–31.12.2025 er risikovekta for eigenkapitalposisjonar på 100 %.

Subordinert gjeld: Investeringar i subordinert gjeld (ansvarleg lånekapital og annan etterstilt gjeld som TLAC og MREL) får ein risikovekt på 150 % mot 100 % i CRR2.

Konsolidering av samarbeidande grupper

Fra 01.01.2018 skal alle bankar rapportere kapitaldekning konsolidert med eigarandel i samarbeidsgrupper. Banken har en eigarandel på 0,71 % i Eika Gruppen AS og på 1,02 % i Eika Boligkreditt AS.

I høve ny avtale om kjøp av OMF mellom banken og Eika Boligkreditt AS, har banken tatt på seg ei likviditetsplikt overfor Eika Boligkreditt AS. Per 30.09.2025 er denne plikta på inntil 248,3 MNOK. I morbanken si kapitaldekning har bankens netto likviditetsforpliktelse 50 % konverteringsfaktor som igjen blir vekta som OMF med 10 %. risikovekt. I morbanken sitt berekningsgrunnlag for kapitaldekning inngår plikta med 124,1 MNOK. Likviditetsplikta blir eliminert i konsolidert kapitaldekning i og med at den dekkes av banken sine konsoliderte pilar 2-krav.

Det har ikkje vore hendingar etter utløpet av perioda som har ført til justeringar av, eller tilleggsopplysningar i rekneskapen eller i noter til rekneskapen.